صفحه الشاعر.. عبد الله رجب ابو عدنان علي جوجل.
♕♕♕♕♕♕♕
متلموش
عبدالله رجب ابوعدنان
متلموش على كل واحد شال حمل تقيل
وداق طعم الوجع
من مرارة الأيام شاف الويل
وغلب عليه الدمع
متلموش ع اللي خانو الملح و العيش
واللي سيرتنا عندهم كيف
يزاولوك وكلامهم تملي سخيف
انت اقوى من كل دول
بس خليك فاكر انت فيها مجرد ضيف
لو عايز يبقى ليك هيبه مش دلدول
لازم كلمتك تبقى زي حد السيف
واللي يشتري ودك ابدا متبعهوش
♕♕♕♕♕♕♕♕♕♕
ذبابة بقلمي عبدالله رجب ابوعدنان
ذبابة تحوم بأهدابها
وقد أثارت حفيظتي
تقلقني بخفه حركاتها
وزادت للتو شقوتي
تذكرت مدى هواني
و أنيني وضعف قوتي
رغم أنها لا تكاد ترى
وقد بدت نواجزي وضجري
لابد إني ظلمت أحدا
والذبابة تقوم وتنام على كتفي
أيا خالق الذباب رفقاً
بعبد عصاك ولا يدري
لا أقدر على حشرة صغيرة
وأظن أني ملكت الدنيا
وقد زاد مكنون جهلي
♕♕♕♕♕♕♕♕♕♕
الخصام بقلمي عبدالله رجب ابوعدنان
بيخاصم ويزيد في الخصام
يبص تحت رجليه
ولو حاولت ترضيه
ياخد على خاطرة وما يرد السلام
بيحسب ميه حساب
بالورقة و القلم
مهما تفتحله من أبواب
يشيلك الهم
بمرارة الأيام
يبكي ويتباكى وبمحبتك يتحاكى
والأمر ما يتعداش الكلام
قدام الناس بوش
يسبك ويقول معلهش
حتى الضحكه غش ف غش
ولا بيفرق بين حلال وحرام
♕♕♕♕♕♕♕♕♕
البخت بقلمي عبدالله رجب ابوعدنان
رميت الزهر أشوف البخت
قسوه ونسوه
وشويه صور وبرواز
وضحكه لناس عزاز
وسؤال نشاز
ولد ولا بنت
وضي الليل بيفرد طوله
وحواديت لاخوات وسهر
نهار الشقا زاد حوله
واتقطم العكاز والضهر
وغربه تهد الحيل
وكرشه نفس لعليل
ياما اتمنيت أرجع عيل
جهوري الصوت
ف فرح هيصه ولمه
حزينه وساكته ليه يا أمه
رسمتي لأخواتي أحلى رسمه
على كفك نقشه حلوه
إبنك عمر ما كان طير مفلوت
اللي يغزل م الألم ستاير
واللي يسقي الأرض حنيه
موتو ب العناد المشاعر
وقلوب م الوسوسه عصيه
يا حبيبتي أنا لسه قادر
الم شتات البنيه
بلاها قوله شاعر
خليني أسرح ف الملكوت
جريرتي إيه يا أم اللقا
قلوب صدت م الجفا
وصاحب ما وفى
ووشوش ما تشوفها إلا ف العزا
وحب عيال مشروط
بقينا قاسين على بعض
وخلفنا هرتله للوعد
ياما اتمنيت لغيري السعد
وكل لحظه مستني الموت
♕♕♕♕♕♕♕♕♕♕
0 التعليقات
المشاركات
