.. ديوان. همس المشاعر.. للشاعره. مني محمد محمد

.. شعراء وادباء : صفحه الشاعره والأديبه. مني محمد:  

ديوان همس المشاعر.. للشاعره. مني محمد 

صفحه الشاعره والأديبه مني محمد ♕♕♕♕♕♕♕♕♕♕

جرى ايه 

مواويل الشوق بينا نستها 

اهي وردة في اديك وشمتها 

جرى ايه يا ابو الاشواء

لا هي ألوان ولا اذواء 

صبرنا كتير على الحلوة

والمرة برضو كانت غنوة 

ما اشتكينا فيهاولا بيوم

وعنينا كان مجافيها نوم

أوعي تنسى تمامك

أنا نعمة  في أيامك 

ولو كنت عاوز تتمايل 

وتنسى ما بينا وتتحايل

أوريك أيام سودة

ولا يوم تقول يلا بعودة

زعلي هيكون زي الريح 

ياخد في وشه بلسان صريح

......بقلم.... ..

.....منى محمد......

♕♕♕♕♕♕♕♕♕♕♕♕

بحبك .. 

بيسألنى  الوجع  عنك  فى هجرانك ..

 تركنى   الشوق  وفاتنى 

 وانا واقف  على  بابك  

.. وانا  العاشق

  بروح  بالحب  وانا  المالك  فى  اوصالك  .

. رمانى  البحر على  شطك ..

 وخدنى  الموج

  .لقتنى  غريق  فى تبحارك  .

. عشقت  النورس  العاشق  لبروازك

  جمال   صورتك  .

. لقتنى بانحنى  لهامتك  وسلطانك 

 .. فى وقت ماباسمعك  يقربنى الحنين  منك 

 .. تاخدنى اللهفة  اعيش   قربك 

 . مايمنعنى  جدار  عازل  ولا يبعدنى يوم عنك 

 ..حدود  فاصل .

. ودا  لأنى بحبك حب من اول لقاء  بنا  .

. لقيت قلبى بينده لك 

 .بقيت عاشقة  حروف  اسمك

  .. ودلوقتى باعيش  هجرك

  ..بحبك

 بقلم ..

 ....منى محمد ....

♕♕♕♕♕♕♕♕♕♕♕

أوعى لسانك فيه طايل 

تجيب في سيرة المايل 

حصل محصلش ما تنطق

الناس للعيبة ما بتصدق 

 أخوك  ومنك له عذره

واياك تخونه أو غدره

أوعى تكون عينك صفرة

تحسد وتعيش عيشة كرهة

سيبك من الناس وكلامهم 

خليك في حالك ولا ليلهم 

كريم مع الكل ولا تفرق

 لا كلام كتير ولا تحرق

العقل زينة في كمالك

حكم عقلك وضميرك 

النية الصافية محلاها 

والقلب الطيب يملاها 

يا بو الصحاب انا نبهتك 

وخلي بالك أنا ما توهتك

......بقلم.........

.....منى محمد......

♕♕♕♕♕♕♕♕♕

عمال أبطال وليهم هيبة

همة نشاط ما فيهم عيبة

عمال بلدي هما  الحالة 

اساس نهضة بأيد شغالة

سلام وتحيه وفرحة عمالنا

أنتم أسياد ومهارة لأجيالنا

جاين شايلين على كتافكم

ابداع وتحدي ربي يسلمكم

نهضة تخلي بلدنا الزين

وجهودكم جوه نن العين 

أرفع أحلى سلام للورد

إخلاص عمالنا ما له رد

عمال مصر هما الحركة

 وفن وروح وفيهم بركة

جوة المصنع اسود واقفين

على أعصابهم مش خايفين

قولوا وعلو معايا الصوت

عجلة انتاج بتدور وتفوت

يا عمال الجيل الصاعد

أنتم همة وصوتكم واعد

......بقلم.......

.....منى محمد.....

♕♕♕♕♕♕♕♕♕♕

مصر يا نصر لكل العصر

ترابك تبر تعيشي يا مصر

نهرك خير وروح تخضر

خمائل سندس وسنابل صفر

أناجي سماك بدعاء النصر

احمي بلادي ظهر وعصر

كل العالم يحكي علينا

يروحوا ويجوا احنا مالينا 

غير نفديك ونرفع رايتك

بحبك نهتف ونفخر بك 

على عرش الدنيا كنت امان

عيسى وموسي عاشوا زمان

أمن امان وسط بركان

رفعة شموخ نسل العدنان

......بقلم......

....منى محمد...

♕♕♕♕♕♕♕♕♕♕♕♕♕

اليوم يومك والعيد عيدك......

ياللي دخول الجنة بإيدك.... 

لما بترض ربنا يرضى.....

يغضب لو يسمح تنهيدك.....

يا ما سهرتي علشان تعبان....   

وبتسقيني حنان فى حنان....  

لما أغيب لو بس شوية...... 

بتقابليني بالأحضان.......

وصى رسول الله بإحسانك......

وكمان وصانا القرأن.......

لو هديك القلب هدية .....

والدنيا معاه برضوا شوية......    

ياللي مليتي القلب بحبك...... 

ليكي مليون فضل عليا........

جنه ربي تحت أقدامك.......

ورفع رب العزه مقامك.......

وأنا رهن إشارتك ياحبيبتي .....  

وهكون طول عمري خدامك.......

عيدك أبداً مش يوم واحد.......

اللى يقول كده أسى وجاحد........

واللى يسيء للأم يا ويله........

مش هعيش ف راحة يوم واحد،،

..........،✍️ منى محمد

♕♕♕♕♕♕♕♕♕♕

الشوق في عيونك

وروحي في جنونك

اخطفني جواك

وعلمني ف هواك

عينك فيها غية

عشقي الملاغية

اسمع تناديني

صوتك بيهويني

صبحي بقى ليلي

لخبطتلي حالي

من قلبي لك نايب

والعشق  فيك تايب

قلبي لك خادم

وحبي فيك حازم

ما بنقبل ولا شريك

حيران وما أدريك

.....بقلم.....

....منى محمد ..

♕♕♕♕♕♕♕♕

اعترفت

واخيرا اعترفت 

رماك الشوق وقلتها

دا حبي فاق كل البشر

وروحي فيك اندهلها

فين هواك فين الحنين

عيني في عنيك ورمشها

ما يرف لحظة يحضنك

قلبي وساكن عشقها

حياتنا بادية تتعدل

وايامنا جاية بفرحها

اسمع ندايا وصرختي

دنيتي اخضر غصنها

في حبك دوبت بالحنان

وسهر الليالي وسحرها

مليش مكان في الدنيا لا

الا بقلبك و الروح وصالها

الحب قال فينا كلمته

روحي وروحك مع بعضها

لا يوم يفرق فينا عشق

وحياتنا ماشية بحلوها

غالي عليا واللي كان

ميتحكيش لحظة بعمرها

.......بقلم.........

.......منى محمد......

♕♕♕♕♕♕♕♕♕♕

(في حديثي إليك أشواق)

وفي حديثي إليك أشواق

         تهز الروح وتخرس العقل

بأي ذنب تاه قلبي أنفاق

         في ثنايا روح تغير الشكل

تطاول قلبي فيك أعناق

         وهمس حنين زادني ثقل

النبض إليك محلق خفاق

         والروح تهفو بقلبك شعل

ما أمس قلبي لضوء براق

       تغدي ملاكا بالعين والمقل

وداء انت لروحي وترياق

        ماحظني بحب عمر مقبل

........

......بقلم......

......،منى محمد......

♕♕♕♕♕♕♕♕♕

       الشوق أتعبني في غرامك 

...............   .........

الشوق أتعبني في غرامك

                وأيامي تحلو بهواك

ولم أحلم يوما بهواك 

      بصوت عالٍ ما أحب سواك

اسهر ليلي وما اتصور

           اسيرة عشقك و رضاك

وأعد نجوم ليل سارح

             ونجمة تتلمس أهواك 

أسحرني فى كل غرامك 

            عمري بعمرك ما أسلاك

حبك نور قلبي و زهره

          تاج روحي و دمي نداك

روحي وعمري عنوانك

          ونسمة شوق قلبي فداك   

  أحتاج لجواب منك.. أتنساني.؟

          أموت من غيرك يا ملاك

.......بقلم........

......منى محمد.....

♕♕♕♕♕♕♕♕♕♕

يا ليل طول بالسعات

دا حبيبي ملياه آهات 

يا اللي تشوف ليالينا

تقول دا العشق مالينا

عمري فيك يضوي

وقلبي ليك يروي

صحي النوم من عيني

وحضن الليل يكويني

ذكرى حنين واللهفة

تجيني روحك زحفة

تترجى اي حنين

وتقولي أنت العين

والقلب جواه أنوار 

وليلنا آخره نهار

تمسح دموع وتجفف 

وروحي فيك بترفرف

ليل شوق السهارى

يدوب قلوب الحيارى

ليل النجم العالي 

حبيبي فوق الغالي 

أسمع ضحكة حبيبي 

هو حبيب قلبي نصيبي

.....بقلم.......

.....منى محمد.....

♕♕♕♕♕♕♕♕♕♕

( يا بو جلابية)

يا بو جلابية

 وشال وطاقية

عمرك ما تيجي

 ف يوم عليا

روحي تهواك

 ونظرة فداك

يهرب قلبي إليك

 واقوله ملاك

حبك في قلبي 

وما حد أدي

وحبك جالي

 في حلم خيالي

ينادي عليك 

ويقول نصيبك

لا بيغمض جفني

 ويقول حبببك

وارضي روحك

 وتشاور ايدك

ما أنا أصلي فيك

و غيورة عليك

.....بقلم.......

.....منى محمد.....

♕♕♕♕♕♕♕♕

يا عم الحاج صحتك بالدنيا

لا فلوس تنفع ودنيا فانيه

الفلوس مش هي خلاص

لا شاليهات وعربية وباص

السعادة ما تتقدر بثمن

وبالرضا والحب تعدي زمن

اياك تطمع في رزق غيرك

خليك قنوع تمشي امورك

صحة وعبادة هما الأساس

تشوف ولادك تتسر عينك

الرزق من فلوس في ايدك

خلي روحك سمحة وعفية ونفس راضية ومفيش آسية

دنيا امتحان من رب الأرباب 

نعمل خير  بدون أسباب 

كل همومك أرميها كمان

خلي روحك سلام وأمان

...بقلم.......

......منى محمد......

♕♕♕♕♕♕♕♕♕♕♕♕

ابيع بطاطا معسله تدفى أوجاع القلوب

حلوة واصيله وطيبه داخت معايا فى الدروب

ولو جعان خدلك بطاطا تشبعك قطمه يادوب 

تبات خفيف من غير عشا وكمان خفيفه عالجيوب 

سبحانه ربى احدفها حجرة فى قلب نار تطلع عسل 

شفت قلوب كتير كدة وسط البشر 

تدخل على نار المصايب 

تطلع بريئة من الذنوب 

منى محمد

♕♕♕♕♕♕♕♕♕♕

حبك عاملي شغلانه 

🌹🌹🌹🌹🌹

حبك عامــلي شغلانه

روحي بغرامك ولهانه

يا شوق شوقي يا وجداني

اوعـى في حياتك تنســاني

اروح لأمك واشكيلها

وادام عنيهــا أبكيلها

واقولها أنا واحكيلها

ابنك عشــــقني وعشمـني

ووقت اللزوم راح وسبني

خلي بيا وقلبي مظـلوم

وعنيا بتكره حتى النوم

يا تجيبي حقي يا أنتحر

بتقولي إهـدىٰ  واصطبر

إزاي يا أمي قــدَري 

بحب والله المفتري 

حبك حبيبي ده مشكــلة

وروحي في هواك مكملة

تعال لي أوام وابويا معاك

والمأذون جيبه بإيد حماك

تكتب كتابي وتكون تمام

القرب جنة تزيد الغـــرام 

وهاتلي دبلة وخــاتمين

وكمان غويشة بالإيدين

واعمل فرح بيليق بينا

نرقص ونعزف اغانينا

والدنيا ترقص فرحانه

حبك عامــــلي شغلانه

🌹🌹🌹🌹🌹

.....بقلم.......

......منى محمد....

♕♕♕♕♕♕♕♕♕♕

..

في بحر حبك لاموني

وقالوا مسي وجنوني

ميعرفوش نار الغرام

تشعللي غيرتي وظنوني

لا عاد فيه شاطئ لحبك

و الدمع ما يفارق عيوني

والرمش صداح اه بعشقك

بالعين ما تغمض جفوني

قالوا عليا أنا مغرمة 

والشوق ده عزف شجوني

يا فرحة الاحباب تلاقيهم

ضي شمعـــة  بتواسيني

سيب قلبي وعشقي معاك

خلطة حب وهيام تكويني

إنت الحبيب في دنيتي

ومعاك فرحتي بتناديني

.......بقلم.......

......منى محمد......

♕♕♕♕♕♕♕♕

اجمل إحساس 

......

عيشي الدنيا بإحساسك 

يا اجمل إحساس حسيته

عيشي الدنيا بإحساسك

وادي القلب حريته ..

إنتِ معايا يا روحي

وجودك طب لجروحي

ولو غبتي عني ف يوم

بقول لفرحتي روحي

في حلمي ليكِ بنيت قصور 

وعشت السعد وياكي 

ومن حبك رضعت النور

وقلتِ العمر يفداكي

تعالي نهجر الأحلام 

نعيش الحب في الواقع

أخاف الخوف يبعدنا

واروح ف يوم مش راجع

تعالي نهجر الحرمان

نلبي نداء القلب 

ونفرش عشقنا ألوان 

مش اول من عشق أو حب

انا حبك سكن قلبي ..

ومن خوفي بس خبيته

عيشي الدنيا بإحساسك

وادي القلب حريته ..

........

بقلمي منى محمد

♕♕♕♕♕♕♕♕♕♕♕

وهناك ع النهر قعدت استني،،

يمكن يمر إللي القلب ليه أتمني ،،

ياحلم ليه تبعد؟!

مش كنت تستنا،،

مني محمد

♕♕♕♕♕♕♕♕♕♕♕

لما بطل ف مرايتي

بشوف الوش متجعد

والخطوط فوق الجبين

سنين تجر وراها سنين

الملم همي ف حضني

واستني بكرة اللي مش عارفين

جاي فرحان ولا مهموم وحزين

......منى محمد......

♕♕♕♕♕♕♕♕♕♕♕

أول يوم أنا  شوفتك  فيه  ..

قلبى  اختارك وأنت  معايا 

 تسكن  روحى  وكل  هوايا  

لما عيونك سرقوا رضايا .. 

اول  نظرة بشوق جوايا .. 

كنت  الروح اللى بتملكنى  

صوتك فرش الحب جناين .. 

زهر  ربيعك .. ملك  قلبى 

من  بستانك عهدى وصدقى  

كنت  الفرحة  اللى   بتملكنى..

وقت ما اشوفك  

بحر  حنينك .. 

شطك  دافى  

بر  محبة  وف  مجدافى 

وبقيت  ليلى  نهارى  معايا  

 وف  احلامى .. 

كنت معاك إحساسى  واخدنى  

طول اليوم  من  صبحى  لأمسى 

 كنت  شهيقى اللى معيشنى .. 

نبضك من  شريانى  فى دمى 

كل  ماكان  فكرك يراودنى ..

كنت بافكر فيك من قلبى  

واغزل توب الفرحة  تمنى  .. 

وانده من جوايا  با إسمك 

الاقيك  جنبى 

 كل دا كان فى الحب  مابينا  

عمر  ماكان  للحب  تجنى 

اتغيرنا  ..!  

قدر  الزمن القاسى يغير منا

 يغير احلامنا  .. 

فين الحب وفين اايامك 

فين الوعد  اللى ف احلامك 

باقى كلام جوايا  حاقوله 

بكره الأيام  تسقيك كاسى .. 

تشرب  منوو  فى عذاب ااسى  .. 

ساعتها  بس حاتعرف  ظلمك 

ياللى بقيت  عن  حبك ناسى .

......بقلم.....

....منى محمد

♕♕♕♕♕♕♕♕♕♕

اين الطريق😣 

رباه ضاقت الضلوع على الموجوع وامتلأت العين بالدموع وانقطعت السبل وانطفأت القناديل والشموع وجف في قلبي ذلك الينبوع  فلم يعد ذاك القمر منيرا والشمس لا أراها الا زمهريرا😔

وتحمل الصدر ما جاء به القدر فلا طاقه لي بما أتى به لا اعتراض على ما كتب لي في سماءك قبل ان اخلق ولا امتناع عن حبك والتضرع إليك

اين الطريق.؟

فالدنيا دار مفاسد وهموم وضيق وسموم😢

يا الهي.!

إنما طلب عبد ضعيف لا تكسر نفسه لسواك ولا جفاء في دنياه إلا في انقطاعه عنك  

وسع علينا وانر ظلمتنا وارشدنا ان النفس ترجو رحمةً تاه الطريق فيا الهي دلها😣

او يا رب ضيق انفاسنا اقبض ارواحنا لجوارك 

 فجوارك رحمة لنا وانتصار لحالنا..! 💙💙

.

♕♕♕♕♕♕♕♕♕♕

اللهم اني خلوت بقلبى جوارك 

وانت ساكنه وتعلم ما تعلمه عني

دون حديث ..!

فكن معي فيما رجوته منك بقلبي

فقد اشتد الضيق بي والصمت ..

فحديث الروح لا يسمعه الا انت

فكن بيني وبين نفسي صلاه رحمه

وكن بين قلبى وقلبي امان ♡

وكن بيني وبين ناظري راحة

وسكينه ..

فانا لا ابوح وانت تعرف ..❤

....منى محمد......

♕♕♕♕♕♕♕♕♕♕

مصرية أنا

...........

ياساكنة  قلبى من  سنين العمر  

يا ملكة  روحى من بداية الأمر  

من يومها إسمك جنب إسمى ينادى  

ويقول : بلادى  .. بلادى .. بلادى  

مصر الشموخ والحضارة قبل الزمان بزمان

مصر الهرم والنيل ..

والشمع والقنديل ..

مصر الإيمان بأمااان 

يوم مولدى كتبوا  ..

إسمى  وقالوا  مصرية  

نبض الحنان بحنين بصوت أغنية 

بتقوي فيا  الحب  والمدادية 

من صغر سنى فى الطابور غنوها .. 

دق  الجرس ودخلنا مدارسنا  ..  

رفعنا يومها العلم  فوق  ع الكنال باإرادة

باركوا الولاد وقالولى :  الف  تحية

اكمن انا مصرية  .. 

وهى بهية

 صوت  الأدان ... 

بيقوي فينا الهمة 

والله اكبر ...

جمعتنا  معاها 

جينا نبارك صوت بلادى الحرة 

مصر الهرم  والنيل بتشارك  اللمة  

..........

بقلم  .. منى محمد‎

♕♕♕♕♕♕♕♕♕

باشتاق   لهواك .. 

على شط  هواك .. مرسى حدودى .. وف  همس لقاك بارعى عهودى  .. ويااك  .. ويااك  .. ولفين  ماتكون  ..لاحاغيب عنك   ماانت  وجودى ..حبيتك..اايوه انا  حبيتك..ولاحانكر حبك فى وجودى .. باشتاق لك لما تغيب  عنى .. وانده   لك  بسمة   على  خدودى .. وف  همس   هواك   بالمح  صورتك  .. واتمنى   لقااك  وقت  حضورى .. 

.......بقلم .....  

.....منى محمد......

♕♕♕♕♕♕♕♕♕♕

أم الدنـيا 

أم الدنيا بلادي مصر

فخر ومجد لكل عصر

ترابك نيلك ميزة وخير

شمسك جوك للعالم غير

شبابك هما نور العين

تاريخ رمز مافي اتنين

قرآن ومآذن تحفظ اهلك

أهل النخوة عز في أصلك

ذكر باسمك في القرآن

أمن أمان من الرحمن

فلاح بيقوم من الفجرية

نشيط وكله همة وحمية

كله فداك بلدي العزة

ذرة رمل فيك عطرة

شمس بلادي فوق الكون

يلا ساند خليك عون

ام الدنيا مش ببلاش

لازم جد وسعي و كاش

ارفع راسك انت المصري

كله يقول ولازم حصري

......بقلم........

.....منى محمد......

♕♕♕♕♕♕♕♕♕♕

حبيبى

وصفت جمالك باحلى الكلمات

ورسمت دنيايا باجمل  العبارات

يامن قبلك لم تكن لحياتى معنى

وفى لقاءك دوما  الحب جمعنا 

حبيبى لقد دق قلبى على انغام حبك ..وعزفتنى  أنشودة  على  ااوتار  قلبك 

ففى تحنان روحك جنة  العشق والهوي

سنقضى بالحب كل عمرنا وسنحيا به

اجمل ايامنا

وسيشهد كل الكون على حبنا وعشقنا

وسيقولون انهم ابدا لم ولن يروا مثلنا

وسنرد عليهم بان حبنا هو كل امالنا

.......بقلم........

......منى محمد....

♕♕♕♕♕♕♕♕♕♕♕♕♕

انا وانت

بشاير صبح يتفتح ازاهيرى......

ربيع وردى  وغصن يميل على شطى....

فى بحر هواك......

ومهما تغيب اغنيلك وانشدلك مواويلك.......

الاقى قلبك السارح على شطى ينادينى.......

هواك خدنى لحد حنينك الدافى......

لقيتنى زهرة برية على الاغصان........

مندية بتتمايل على غصنك.......

انا وانت

فى بحر هواك...بنتساير....  

ونحكى عن حكاوينا بامنية بتتمنى.....

واعيش فى هواك......

انا وانت

لفين واخدانا خطاوينا......

لشط هواك على المينا......

ومرسى الحب يهدينا........

ولما ابص فى عيونك......

اعيش واسرح.....واعيش فى هواك

انا وانت

.......بقلم.........

.......منى محمد.........

.♕♕♕♕♕♕♕♕♕♕

بعيش الحياة باحساسي وكأنني معاك حبيبي....

ولو فى غبت عني...

طيفك في الحلم  يزورني في منامي للقاءك....

وانا ومعاك فى أحلامي بفرح

وأحس بالأمل واقف على بابي ..

بينده عليه لأروح له ياقلبي وكل كياني..

فهل ألبي النداء ياحبيبي ؟ ..

ولاأعيش في حرماني.

فكفاية علي ما فعله بي زماني....

دائما يدمع فى عيوني وعلى الدوام بكاني...

ولا في يوم فرحني بك وبقربك غير فى أحلامي....

ولاتركني وبعد عني وفرح بهناء....

وتركنا نتهنا ونعيش عمرنا والأمل من تاني...

فأمانه ياقلبي ومليك وجداني ...

أقرء ما بين سطوري برفق وأمعان...

وأدرك مدي شوقي لك ياغالي.....

.......بقلم .....

.....مني محمد.....

♕♕♕♕♕♕♕♕♕♕

يا عناقيد العنب ياحبايه حاضنه حبايه،،

يا كهرمان منور ومكفي عليه كبايه،،

ياطرح طين لسمر جمالك ينكتب فيه احلي روايه......مني محمد

♕♕♕♕♕♕♕♕♕♕♕

على باب قلبك قلبى وقف ودق

حس بيك .. شاور عليك 

وكان عنده حق

شاف فى عنيك الرقه والحنان

ما انت القمر على صورة انسان

ضى دافى مالى الوجود

وقلبي كان عنده حق

على باب قلبك وقف ودق

هعيش عمري بحبك 

دى حياتى لقيتها ف قربك

انت اجمل نسمه 

واحلى صورة وبسمه

بضحكتك قلبى رفرف جناحه وطار

عرف طريقه اللى نور ومعاك سار

وقلبي كان عنده حق

على باب قلبك وقف ودق

.....بقلم......

.....منى محمد......

♕♕♕♕♕♕♕♕♕♕

          حبك  بقلبي متاهات

               وقلبي يصبح و يبات

ينادي حبك بألف سلام

            خضار قلبك آه وغرام

ما عدت تقدر تنساني

            ولا يوم تاني في أيامي 

يا عشق العمر هنسيك

         والشوق بينا راح يضنيك

اسمع بقى اخر حتة 

            من مهجة روحي تتهنا

راجل وبالف وبالمية

           لا ف يوم تقل في عنيا

شيلني بقلبك ولا تأسى

            احنا لبعض ولا تنسى

........بقلم......

......منى محمد......

♕♕♕♕♕♕♕♕♕♕♕