صفحه اصدارات الشاعر. منصور ابو عبدالله.
♕♕♕♕♕
عاشق بلا حدود
بقلمى منصور أبو عبدالله
*************
انا اللى بكتب شعرمعرفش مره يوصفك
من عشقى كلامى نفسه مره يكلمك
وكل ماكتب سطر مناى بس يعجبك
حاسس انى كنت بحبك قبل ما اعرفك
*****************
عشقك يا ست البنات بحر فيه فارد شراعى
بس موج البحر ويا حبك عاتى وعالى
وأنا على قد جهدى بعافر ليلى ونهارى
ومخبى عشقك الغالى فى قلب أسرارى
*****************
فيكى سحر موال مكتوب من زمان
وعشقك هو العشق اللى مش بيبان
أصله عشق القلوب سر يلزمه كتمان
اخاف ليبان عشقى ميسعهوش مكان
****************
طب لو حبيت أوصفك مش يبقى حرام
هو الحلم يتشاف غير فى المنام
ونعيم الجنه يبقى غير فى الاحلام
ولو حاولت اوصفك والله ماحلاقى كلام
**************
كتير فى زمنا عشقوا بس مش قدى
انا فى عشقى ليكى فاق حدى
لما الواحد يعشق قمر لازم يدارى ويخبى
ولو وزنوا عشق العالم حيعديه حبى
*************
بقلمى منصور أبو عبدالله
عاشق بلا حدود
♕♕♕♕♕♕♕♕♕♕
لسه حتعاند
بقلمى منصور أبو عبدالله
**************
راح تعاند ايه يا حزين
حتعاند حزنك ولا وجعك
ولا قهرة نفسك ولا الانين
ولاحتعاند قدرك ولا مرضك
**************
انكتب عليك حتى فى الوجع متبوحش
ولما يزيد عليك الهم والغلب كمان متقولش
وتتلام من كل الناس حواليك وانت متلومش
ودمعتك تشوفها نازله وتعمل نفسك مبتشوفش
***************
عشمان فى مين يفهم يوم وجعك واللى جواك
كل ما تعشم فى واحد يسندك يقلبك على قفاك
وكل حاجه تشتريها تلاقيها وقت عوزتك بيعاك
وكل اللى سندته لما كبر اول ناس هى اللى موقعاك
**************
بلاش يا حزين تعاند اكتر كمان واعترف
ان اللى عملته كله فى زمانك راح تلف
خت ايه طول عمرك من الطيبه والشرف
لا نفعك قريب ولا حتى غريب ولا حتى خلف
**************
كبرت وجار عليك زمانك والكل باع
فردت حضنك لناس بتقولك وداع
وناديت على الكل الكل عدموا السماع
ههههه فاكر نفسك اياك حتطلب تطاع
***************
لسه فى حيل تانى تعاند وتكابر
خلى اللى باقى متك يقدر يعافر
وعيش واكدب وقول انك صابر
وكانك مستنى لسه حتعاند
لسه حتعاند زرعه عاقر
بقلمى منصور أبو عبدالله
**************
راح تعاند ايه يا حزين
حتعاند حزنك ولا وجعك
ولا قهرة نفسك ولا الانين
ولاحتعاند قدرك ولا مرضك
**************
انكتب عليك حتى فى الوجع متبوحش
ولما يزيد عليك الهم والغلب كمان متقولش
وتتلام من كل الناس حواليك وانت متلومش
ودمعتك تشوفها نازله وتعمل نفسك مبتشوفش
***************
عشمان فى مين يفهم يوم وجعك واللى جواك
كل ما تعشم فى واحد يسندك يقلبك على قفاك
وكل حاجه تشتريها تلاقيها وقت عوزتك بيعاك
وكل اللى سندته لما كبر اول ناس هى اللى موقعاك
**************
بلاش يا حزين تعاند اكتر كمان واعترف
ان اللى عملته كله فى زمانك راح تلف
خت ايه طول عمرك من الطيبه والشرف
لا نفعك قريب ولا حتى غريب ولا حتى خلف
**************
كبرت وجار عليك زمانك والكل باع
فردت حضنك لناس بتقولك وداع
وناديت على الكل الكل عدموا السماع
ههههه فاكر نفسك اياك حتطلب تطاع
***************
لسه فى حيل تانى تعاند وتكابر
خلى اللى باقى متك يقدر يعافر
وعيش واكدب وقول انك صابر
وكانك مستنى تولدلك زرعه عاقر
***************
بقلمى منصور أبو عبدالله
***************
بقلمى منصور أبو عبدالله
♕♕♕♕♕♕♕♕♕♕♕
أقسى إمرأة فى الكون
بقلمى منصور أبو عبدالله
***************
لسه فيه قلوب قاسيه كتير
وحبايب بتنسى ومش بتغير
اللى يحب بيحب بضمير
ويعذر الغلط ويشوف التغير
***************
انا حبيت واحدة شاربه قسوة قلب
والغريبه إنها بتقولى دايبه فى الحب
واحده بتحبينى بس بتكره القرب
واحده قسوتها لو اتحكت تملى الكتب
***************
كل ما أديها ود تدينى هى قسوة
وأول ما أترمى فى حضنها مقلتش كلمه
بس أنفاسها بتقولى اطلع من هنا بره
وكأنه مليش فى قلبها حق ولا ذمه
***************
وتقولى منقصاش كفايه تعبت قلبى
عاوز تشرب المر سيبنى لوحدى
انا بحبك بس عاوز أعيش فرحى
وانت بصراحه إنسان منحوس وفقرى
***************
مشفتش منك غير كلام ووعود
وحزنك عدى كل الحدود
الحب ويا الوجع ملهوش وجود
بحس انها بتدعى مكونش موجود
***************
جاى تغطينى بوجعك ليه يلا غور
إبنى بينى وبينك فى حزنك سور
حب ايه اللى مشيلنى شيلة كسور
حب ايه دا اللى يطفى على النور
***************
انا حضنى وحبى ليك كتير استحملك
كنت ملك بس قلبى النهاردة عزلك
كل يوم حزن جدبد مش حقدر اعذرك
ملكش نصيب فى الحب ولا الحب حيقبلك
******************
هى دى اللى كنت بحرم نفسى علشانها
ومن يوم ما عرفتها كنت حضنها وامانها
وفى كل أوجاعها حطيت نفسى مكانها
على العموم انا ساكت وبكره حاردهالها
***************
بقلمى منصور أبو عبدالله
أقسى إمرأة فى الكون
♕♕♕♕♕♕♕♕♕♕
0 التعليقات
المشاركات
