ديوان حكاوي مسافر. للشاعر. السيد عطاالله
♕♕♕♕♕
تحت النشر
الشاعر المصري السيد عطاالله
ديوان
حكاوي مسافر
الناشر دار تحيا مصر للإبداع
للنشر الرقمي و الإلكتروني
حكاوي.... ٣١
زينة البنات
*********
بقلمي✍️السيد عطاالله
خلاص بقينا زي الخواجات
نسينا الأخلاق نسينا العادات
شوف إزاي إحنا نربي البنات
أبيض وأحمر و كتير حورات
البنات ماشيه بالشارع تتقصع
سماعة للأغاني ماشية تسمع
دي المرارة خلاص قربت تفقع
هن ستات الكاسيات العاريات
ماشيه ولريحتها الناس تشم
شعرها باين و ما عاد فيه دم
تمشي و الفرجة ببلاش ياعم
أدعولهم بالهداية ف الصلوات
الشباب يا حسرة مبرشمين
جيل فن التمثيل و الفنانين
البلطجية لهم ناس مقلدين
زمان الأخلاق عدى و فات
الحياء خلاص نعبيه بشنطة
حبة مياصه و دلع بالأونطة
نقول كأننا بنأذن في مالطة
صحيح إللي إختشى مات
ربي بنتك على مبادئ الصح
تحترم غيبتك وما تقدر تكح
دنيتك تطيب فقر الأدب شح
قسما بالله الأدب زينة البنات
كلمات السيد عطاالله.
حكاوي.... ٣٢
حلقات المسحراتي
***************
بقلمي✍️السيد عطاالله
....الحلقه ١....
كلمات بسيطة بهديها
لكل من يفهم معانيها
بعدي ولدي هيحكيها
بلدي حبي مالها شريك
إصحى يا نايم
وحد الدايم
رمضان كريم
وحد الرزاق
.... الحلقه ٢....
أنا في الحواري داير
أعبي أمل في شكاير
أزف لناسي البشاير
الإحباط ما ينسيك
إصحى يا نايم
وحد الدايم
رمضان كريم
وحد الرزاق
.... الحلقه ٣....
جالنا شهر الصوم
بالعدد تلاتين يوم
إياك تنسى محروم
قدم الخير بإديك
إصحى يا نايم
وحد الدايم
رمضان كريم
وحد الرزاق
.... الحلقه ٤....
صوم لربنا وصلي
يمكن بساعة تجلي
يمحو ذنب ميخلي
صحي الخير فيك
إصحى يا نايم
وحد الدايم
رمضان كريم
وحد الرزاق
.... الحلقه ٥....
بالذكر بس ذنوب تتساقط
شوف العرايا بفيلم ساقط
إشارة سيئة ولها ألف لاقط
مش هتقدر تغمض عينيك
إصحى يا نايم
وحد الدايم
رمضان كريم
وحد الرزاق
.... الحلقه ٦....
أسعار و لا في الأحلام
على تاجر جشع لا ملام
على الراتب منا السلام
تسكت أكتب لك شيك
إصحى يا نايم
وحد الدايم
رمضان كريم
وحد الرزاق
.... الحلقه ٧....
قالوا لنا بكره أحلى
قلت أعمل كالنحلة
عماها يقصد الكحله
للبلوة الله ما يوريك
إصحي يا نايم
وحد الدايم
رمضان كريم
وحد الرزاق
.... الحلقه ٨....
إصحى يا عم السيد
أكتب لنا الكلام جيد
راح يهل العيد ونعيد
وطن حلو العيد فيك
إصحى يا نايم
وحد الدايم
رمضان كريم
وحد الرزاق
....الحلقه ٩....
يلا بقى فوق يا عم حسين
شوف كنا فين و بقينا فين
إشرب بق ميه صلي بالحسين
أشكر ربنا أنه للطاعة يهديك
إصحى يا نايم
وحد الدايم
رمضان كريم
وحد الرزاق
.... الحلقه ١٠....
كان الفرح بالهلال عارم
المخ صبح من الهم وارم
أبدا ما تضيع فينا المكارم
إسعى لأن الرزق مستنيك
إصحى يا نايم
وحد الدايم
رمضان كريم
وحد الرزاق
....الحلقه ١١....
كفاية نوم يا عم فاروق
الدنيا وصفوها زي السوق
فيها الأدب و فيها الذوق
لو نص كيلو مودة يكفيك
إصحى يا نايم
وحد الدايم
رمضان كريم
وحد الرزاق
.... الحلقه ١٢....
ناس تفوز يوميا بالمكاسب
ناس على الفاتورة تحاسب
دفعوا الروح لمحتل غاصب
ربنا بالاحتلال ما يبتليك
إصحى يا نايم
وحد الدايم
رمضان كريم
وحد الرزاق
....الحلقه ١٣....
إياك تنسى أهل فلسطين
إهتمامك من تمام الدين
قل يارب لإخواننا يعين
يا فلسطيني الله يحييك
إصحى يا نايم
وحد الدايم
رمضان كريم
وحد الرزاق
.... الحلقه ١٤....
حتة جبنه و طبق فول
تصبح طول اليوم غول
بطل العالم الناس تقول
ماحد ف الدنيا يساويك
إصحى يا نايم
وحد الدايم
رمضان كريم
وحد الرزاق
.... الحلقه ١٥....
ما تفكر يوم باللحمة
لو تشبع تجيلك تخمة
فول يسندك بالزحمة
تمشي يشاوروا عليك
إصحى يا نايم
وحد الدايم
رمضان كريم
وحد الرزاق
.... الحلقه ١٦....
إسمع كلام المختار
وصى ع سابع جار
إحفظ حقوق الجار
خلك مسلم و شيك
إصحى يا نايم
وحد الدايم
رمضان كريم
وحد الرزاق
.... الحلقه ١٧....
الموت بييحي فجأة وبغتة
ما تقدر على وصفه و نعته
كل واحد مكتوب له ساعته
لو تهرب من الموت يلاقيك
إصحى يا نايم
وحد الدايم
رمضان كريم
وحد الرزاق
.... الحلقه ١٨....
تحيا مصر وطن العروبة
دا الخونة عملوها سبوبه
زبالة م التاريخ مشطوبه
تلقاهم للشر ينادوا عليك
إصحى يا نايم
وحد الدايم
رمضان كريم
وحد الرزاق
.... الحلقه ١٩....
من يمشي وراهم خاسر
عاوز تعرف الحب سافر
أيوه من يكره وطن كافر
نفسه من الفشل يعطيك
إصحى يا نايم
وحد الدايم
رمضان كريم
وحد الرزاق
.... الحلقه ٢٠....
بلدك في قلبك أمانة
إبعد عن أفكار جبانه
بلدك بالروح متصانه
تحبك و تخاف عليك
إصحى يا نايم
وحد الدايم
رمضان كريم
وحد الرزاق
.... الحلقه ٢١....
عاوزين لشرع ربنا نعود
مصر بلدنا عرين الاسود
النيل لين لأحجار جمود
ف الواحة راحة لعينيك
إصحى يا نايم
وحد الدايم
رمضان كريم
وحد الرزاق
.... الحلقه ٢٢....
أحكي عن أبو الهول
شاهد علينا و يقول
إحنا بس أولاد أصول
بقلب وروح نحتويك
إصحى يا نايم
وحد الدايم
رمضان كريم
وحد الرزاق
.... الحلقه ٢٣....
شعب مصر طيبين
أهل الذمة و الدين
طبعنا جميل و زين
جلدنا للنوايب سميك
إصحى يا نايم
وحد الدايم
رمضان كريم
وحد الرزاق
.... الحلقه ٢٤....
شفت الحاجه كوثر
زوجها مفلس واكثر
بيته على نفسه يؤثر
أنا على نفسك بوعيك
إصحى يا نايم
وحد الدايم
رمضان كريم
وحد الرزاق
.... الحلقه ٢٥....
عاوز يشتري لبس العيد
من الكحك يشتري مزيد
إزاي و بقى على الحديد
لو تشوفه يصعب عليك
إصحى يا نايم
وحد الدايم
رمضان كريم
وحد الرزاق
.... الحلقه ٢٦....
ياما في الدنيا دي غلابه
غيرهم وحوش في غابة
كره معشش بين القرابة
إوعى شيطان يوم يغريك
إصحى يا نايم
وحد الدايم
رمضان كريم
وحد الرزاق
.... الحلقه ٢٧....
دايماً و بكل إصرار
مصر هنخليها عمار
لا مكان لأي أشرار
يا وطن ربي يخليك
إصحى يا نايم
وحد الدايم
رمضان كريم
وحد الرزاق
.... الحلقه ٢٨....
إياك تكذب لأن الكذب خيبة
قالوا عنه زمان حرام و عيبه
حافظ ع الأب و الأم الحبيبة
طاعتك لهم عند ربك تنجيك
إصحى يا نايم
وحد الدايم
رمضان كريم
وحد الرزاق
.... الحلقه ٢٩....
شوف الغش مع التدليس
شهرته وصلت إلى باريس
الظلام ما تنوره الفوانيس
صاحب كذاب دوما يأذيك
إصحى يا نايم
وحد الدايم
رمضان كريم
وحد الرزاق
.... الحلقه ٣٠....
إزرع الخير تلاقيه أمامك
خلي الشر بمرمى سهامك
لو تسلم إيه يفيد علامك
دا الخير بس إللي يعنيك
إصحى يا نايم
وحد الدايم
رمضان كريم
وحد الرزاق
كلمات السيد عطاالله.
حكاوي مسافر.... ٣٣
الوطن غالي
*********
بقلمي✍️السيد عطاالله
غالي حبك يا وطن
ما يقدر حبك بثمن
مهما يمر علي الزمن
حبي للوطن عبادة
أنا تربيت على ترابه
تعلمت على محرابه
أنا حارس على بابه
في حبه أنال سيادة
أنا جندي و طالب
ماليش أي مطالب
حبه بالقلب غالب
اسمه فيه الريادة
وطني عطاءه لا ينضب
أبدا م الوطن ما أغضب
نبع أرتوي منه و أشرب
بحبه زي نفسي و زيادة
كلمات السيد عطاالله.
حكاوي.... ٣٤
إبتسم من فضلك
**************
بقلمي✍️السيد عطاالله
أيها الفقر هيا انجلي
كيف لعرشي تعتلي
تختبر صبري تبتلي
لما قتلت كل أمالي
يا فقر صبر جميل
ليس للغنى سبيل
حرمان ماله مثيل
رغم ذلك لا أبالي
رغم الصعوبات
عيشي بالفتات
العزة لي سمات
الرضا كنز غالي
الرجولة ليس بمال
بل بالكسب الحلال
في العفاف الدلال
غنى نفس يحلالي
ابتسم من فضلك
كيف الأغنياء قبلك
عيش جدك و هزلك
اجعل البال خالي
ارضى ياعم بالمقسوم
أدي الحمد لله كل يوم
في رضاك أجمل علوم
لأن ذلك ما قد بدا لي
كلمات السيد عطاالله.
حكاوي.... ٣٥
بارقة أمل
********
بقلمي✍️السيد عطاالله
سأعمل دؤبا مثل النحل
لو أصابني جوع و قحل
ليأتي النصر لو من زحل
لأنفذ وصية شهيد رحل
غدا برماد النصر أكتحل
المهانة لمتخاذل بالوحل
من أنهار الإذلال قد نهل
ما ضر الدعوة أبو جهل
سيأتي النصر على مهل
بالارواح و دعوة مبتهل
نيل المعالي ليس سهل
نعم بالصبر يشرق الأمل
كلمات السيد عطاالله.
حكاوي.... ٣٦
سلسلة أغاني المسحراتي
أقوال بلا أفعال
************
بقلمي✍️السيد عطاالله
هأقول لكم كلمتين باختصار
خلاص الشهامه في إحتضار
يروح فين من تدمرت له دار
القلوب بقت صخور و جبال
تدمرت تحت الأنقاض شهامة
يعوض ربنا سكتنا سكة ندامة
الصلاة لازم تسيب فينا علامة
قال الحبيب أرحنا بها يا بلال
شفا الله كل مصاب
رحم الله لنا أحباب
تحت أنقاض و تراب
قلوبنا معهم ولا تزال
شفت في غزة قتلوا الطفولة
دمروا بيوت بالأبرياء مأهولة
أه لو كان فينا بس ذرة رجولة
ما تركنا لهذا الاحتلال مجال
في خيرات كتير و نشكي
إللي بالخيام لمين يحكي
ناس في ملاهي و وسكي
تشتكي فقر رغم كتر غلال
الله يرحم الإخلاص
مات بقى و خلاص
بالشهامة كل خواص
بقينا أقوال بلا أفعال
كلمات السيد عطاالله.
حكاوي.... ٣٧
فنكوش
******
بقلمي✍️السيد عطاالله
ياللي إخترعت الوهم وسميته فنكوش
ما كنت أعرف يوم يكون الكذب بطربوش
غني كذاب نصدقه فقير صادق منصدقوش
غني علشان غني نكرمه بسلامته بوش
فقير لو قرب نبعده ونقول يارب حوش
بصينا لقينا النفاق مرسوم على الوشوش
باطل نزينه وحق نبدله بألوان ونقوش
ناس بالحق تلتزم و عنه ما يحيدوش
في غيرهم حذاء من رجلك ما تقلعوش
أنا ضحية خيانة و متهم ما تزعلوش
إيه وصلنا لده أخ لأخيه ما يعرفوش
مهما بلغ الندا إحنا كده ما تستغربوش
زاد همي من ناس يخافوا ما يختشوش
سلامة النية منسية يمكن ما تصدقوش
لقيت أنياب وذئاب للفريسة ما يرحموش
مديت ايد جه سهم الخيانة ما طيقتوش
ناس تخاف على بعض بقوا ما يخافوش
الأخ لو يشوف أخوه بيغرق ما ينقذوش
تبص تلاقي في وشوش مليانه نقوش
لو أي صديق وقع في ضيق ما تعرفوش
كلمات السيد عطاالله.
حكاوي.... ٣٨
عشرة سنين
*********
بقلمي✍️السيد عطاالله
نبع الحنان جاري
حبيبى أنا شاري
حبي و إختياري
عشرة من سنين
ضميني ف أحضانك
عايش بس علشانك
زماني يحضن زمانك
جفون تحضن العين
مهما العمر يمر يسير
يجمعنا نفس المصير
إعتبريني طفل صغير
لو تاخدي عمري مدين
أنا قلبي لسه شباب
عاشق و يرد جواب
شعري لكل الأحباب
حبل المحبة متين
قلبي كبر في حبك
قلبي عاشق لقلبك
أحلم مع أني جنبك
طيفك كما البساتين
محلى الوش و البسمة
يا أحلى رزق و القسمة
شايفك ف سمايا نجمة
قمر ينور في كل حين
كلمات السيد عطاالله.
حكاوي.... ٣٩
أوجاع وداع
**********
بقلمي✍️السيد عطاالله
ما تحزنيش سبتك بعافية
أنت حبي شعري و القافية
شايف كل الشموع طافية
شايف في السفر مصباح
عارف أنه صعب الفراق
رغم أني جنبك مشتاق
علشان الحلو المر ترياق
مين فينا عايش بارتياح
هبعتلك على طول رسايل
بدل اللقاء هتكون بدايل
هفضل لحبك بقلبي شايل
بكره أرجعلك نور الصباح
بس يمكن أطول شويه
علشان ارجع بفرحه قويه
أنت وطني و ضي عينيه
بكره أعود لك بليالي ملاح
انتظريني وفي بالوعود
أنت لحني و أحلى عود
إياك تجرحيني بصدود
يتقلب الغنا لبكا و نواح
عاشق أنا لنور الشمس
في حبك أجمل همس
نحب القمر بدون لمس
للشمس و القمر مداح
كلمات السيد عطاالله.
حكاوي.... ٤٠
إكرام الضيف
***********
بقلمي✍️ السيد عطالله
الكرم تقابل ضيف بوجه بشوش
لو ما عندك إلا قليل من الزاد
بسمة بوجه أخيك من غير نقوش
ما يعرفها غير أولاد الأجواد
العين يحتضنها جفن مع رموش
كرم الضيافة لك سند و عماد
كريم ما يدخر له مال و يحوش
يقابل ضيفه بلا إذن و ميعاد
كريم كرمه حامي مثل الجيوش
كرم موروث من زمن الأجداد
البخل يزيل ممالك عز و عروش
أما الكرم كالتقوى ينفع الأحفاد
حاتم زمان كان كريم ولا هموش
الطائي من الكرم صنع أمجاد
بخل النفوس كأمثال الوحوش
أزل الرجاجيل على ظهور الجياد
الكرام إغتنوا عمرهم مفتقروش
بالكرم اعتلوا صبحوا أسياد
كرام معرفوين بخلاء ميتسموش
الكرام بالأرواح و دمائهم مداد
كلمات السيد عطاالله.
حكاوي.... ٤١
موت و حساب
************
بقلمي✍️السيد عطاالله
حسبته موسى طلع فرعون
حسبته ملاك فطلع ملعون
أدم ضعيف عامل شمسون
يا ناس كان الله في العون
تلاقي الناس تتخدع كتير
يقولوا فلان من أهل الخير
يطلع ظالم في توب حرير
زهزهت له دنيته بقى كبير
أقول يلعن أبوها المكاسب
الأبصار ليه تعميها مناصب
فيه موت و الله لتتحاسب
في الأخرة ما حد بيتعاتب
نفسي أعرف أنت تبقى مين
أقول لك و الله أنت مسكين
على الموت ما ضل خطوتين
في قبرك هيحاسبوك ملكين
إياك تغتر علشان شبابك
بكره المشيب يغزو بابك
تكون جيفة بين أحبابك
تحت تراب ما حد يهابك
كلمات السيد عطاالله.
حكاوي.... ٤٢
أه يا زمن
*******
بقلمي✍️ السيد عطاالله
خيل ركبها في زمننا ذباب
لا لوم عليهم ولا في عتاب
صقر قفل على نفسه الباب
الذباب صار يشبه السحاب
زي التتار أسراب و أسراب
زمن فيه ساد قانون الغاب
جاي زمن الثعالب والذئاب
جاموسة على بابها خطاب
عروسة بوصة بختها غلاب
جمال في بحر عنوسة ذاب
أصيل ما يلاقي له أصحاب
وقت الشدة يلاقيهم سراب
أنا من أفعالهم شعري شاب
كتبتهم سطرين في الكتاب
يا زمن أفنينا فيك الشباب
إذا كان القوم دليلهم غراب
حتما لازم تبشرهم بالخراب
كلمات السيد عطاالله.
حكاوي.... ٤٣
على بالي
*******
بقلمي✍️ السيد عطاالله
أنا جاي على بالي
أغني لك يا غزاوي
علمنا يا غالي
قلوبنا بدها مداوي
أوصف دوا لحالي
ع الرجولة أنا ناوي
أضرب و لا تبالي
أنت لا ساحر ولا حاوي
عالم م الرجولة خالي
مع أنها دنيا ما تساوي
إبن عمي و إبن خالي
جعان و أكلي مشاوي
يا الله أهدي ضلالي
غزاوي شايل بلاوي
قاعد أقول و أنا مالي
هو يقاتل ببطن خاوي
ما نعيب الزمن الحالي
العيب أني للكرسي غاوي
نيل العزة بسهر الليالي
لو طال ليلك الفجر ضاوي
روح الشهيد ف العالي
قضاء ربنا بأمر سماوي
أهل الفخامة و المعالي
ربك على حسابهم ناوي
كلمات السيد عطاالله.
حكاوي.... ٤٤
كذابين زفة
*********
بقلمي✍️السيد عطاالله
في ناس كتير كدابين زفة
كبر دماغك يا ذوق و خفة
تعلمناها زمان واحنا باللفة
صاحبك بشهامته معروف
صاحب يعمل البحر طحينه
يذبحك عادي بأبرد سكينه
يحقد عليك يغرقك بسفينة
صاحب ما يغيث أبدا ملهوف
صاحب يخليك تضرب كف بكف
لا تسمع منه كلمة خير و لا لطف
لو تقع بضيق ما يقف معك بصف
شوفت منه بلاوي و ياما تشوف
صاحب يصاحبك علشان مصالح
لو كنت عدو يقرب منك يتصالح
قليل الحياء و الوش بارد و كالح
ثعلب متخفي جوه فرو خروف
صاحب ما يطمر فيه الخير
لو يفارق كسر وراه ألف زير
مدعي الشهامة وهواه حقير
الصاحب الجدع يساوي ألوف
فيه من يحفر لك حفرة
صاحب والاصحاب كثرة
يأكلون لحمك على سفرة
كأن عرضك دوا موصوف
فيه صاحب غاوي مصلحة
يظهر صداقته صبه مسلحة
لما تقضي يعمل لها مذبحة
كأنه لأول مرة لك يشوف
كلمات السيد عطاالله.
حكاوي.... ٤٥
المسحراتي
*********
بقلمي✍️السيد عطاالله
شغلتي مسحراتي
بحب بلدي و ذاتي
ف الحواري ليلاتي
ماشي أصحي نيام
إصحى يا نايم وحد الدايم رمضان كريم
خد لك من الموت عبرة
علشان تعمل بقى لبكره
خليه على بالك ك فكرة
تطلع من هالدنيا بسلام
إصحى يا نايم وحد الدايم رمضان كريم
إوعى تسلم لأي أفكار
بكره تبقى إيه الأسعار
فكر بخلق الليل والنهار
بكره يعلمه من لا ينام
إصحى يا نايم وحد الدايم رمضان كريم
ما هتموت من جوع
و خلاصة الموضوع
يلا نسارع بالرجوع
ندعي بحسن الختام
إصحى يا نايم وحد الدايم رمضان كريم
صحصح كده و فوق
بكره دنيتك ها تروق
بس لو للرضا تذوق
كفاية نعمة الإسلام
إصحى يا نايم وحد الدايم رمضان كريم
نعمة الرضا ثقيلة بالميزان
خلي الرضا مبدأك و عنوان
ربنا يديم لنا نعمة الأوطان
الدين أفعال تصدق الكلام
إصحى يا نايم وحد الدايم رمضان كريم
كلامي منظوم مع الطبلة
صياد الحروف معي نبلة
حب الوطن كعبة و قبلة
عايش منعم بأمن وسلام
إصحى يا نايم وحد الدايم رمضان كريم
مشتاق أنا إلى الحرية
أورثها لولدي و الذرية
الإحتلال ظلم البشرية
ما دمروا فينا الأحلام
إصحى يا نايم وحد الدايم رمضان كريم
الإحتلال أصابه السعار
هدم المساجد مع ديار
ما دمر أمل عند الأحرار
ف الخاين ما ينفع ملام
إصحى يا نايم وحد الدايم رمضان كريم
عاشق أنا يا فلسطين
حبك من تمام الدين
عاشق الرمل و الطين
حيا الله مقاوم درغام
إصحى يا نايم وحد الدايم رمضان كريم
كلمات السيد عطاالله.
حكاوي.... ٤٦
المسحراتي
********
بقلمي✍️ السيد عطاالله
مسحراتي ف الحواري
أعرف الحقوق لجاري
أحسب داره هي داري
بكده وصا النبي الزين
إصحى يا نايم وحد الدايم رمضان كريم
أعزف للناس ألحاني
شاطر بعزف الأغاني
أصل القمر لما جاني
حب الوطن م الدين
إصحى يا نايم وحد الدايم رمضان كريم
أنا كل الاطفال يعرفوني
كل ليلة بشوق يستنوني
ليالي رمضان يحضنوني
العيد يوم نصر فلسطين
إصحى يا نايم وحد الدايم رمضان كريم
ضيف كريم بثلاثين يوم
هل هلالك يا شهر الصوم
نعمة الإسلام علينا تدوم
غزة ف القلب جوه العين
إصحى يا نايم وحد الدايم رمضان كريم
راجع من تاني لغزة
عاش رجالها الأعزة
قامت مقاومة بفزة
بروحي لغزة مدين
إصحى يا نايم وحد الدايم رمضان كريم
عمري ما ضيعت الأمل
سعيت للحرية بالعمل
على غزة القلب اشتمل
حبك يا أقصى بالوتين
إصحى يا نايم وحد الدايم رمضان كريم
كلمات السيد عطاالله.
حكاوي.... ٤٧
غدر الصديق
**********
بقلمي✍️السيد عطاالله
قلبي إللي يريدك
من الحب يزيدك
الغدر مش يفيدك
أنا بوصفك محتار
كنت معك صادق
قلبي بحبك ناطق
غدرك جبل شاهق
جبل مليان أوزار
كان أهون لو تغادر
لو للوفا مش قادر
غدرك ظلم سافر
الوفا أرزاق و أقدار
كلمات السيد عطاالله.
حكاوي.... ٤٨
وجع الفراق
*********
بقلمي✍️السيد عطاالله
الفراق ف القلب وجعني
أصرخ و لا حد يسمعني
ما رضيت حتى تودعني
بدلت قلبك ليه بالحجر
تهجرني و أسامح
رمشك لي ذابح
في عيونك سارح
سحاب ما له مطر
أخرتك ف البعاد
بعد سهر و سهاد
أكتب دمي مداد
قلبي يعيد النظر
كلمات السيد عطاالله.
حكاوي.... ٤٩
الريف المصري
***********
بقلمي✍️السيد عطاالله
مهما كنت متحضر و عصري
الجمال عندنا بالريف المصري
بيتي من الطين لكنه قصري
نسيم داير في النفوس يسري
يا حلاوة اللمه في المغربية
لبن و قشطة و اللقمة هنية
يا حلاوته الزير ينقي المية
تحت الشجرة تنام ما تدري
ياما شربت أنا من القله
قلب أبيض ما فيه عله
حبنا للوطن دين و مله
عمر المال لنا ما يغري
غيط ينشط أي كسول
يطرح سنابل ويا الفول
نبع ميه يسقي حقول
الوز يعوم فيه و يجري
أهلي طيبين بالفطرة
ما يحملوا هم لبكرة
بالواجب عندهم فكرة
الشهامه بالدم تسري
أنا ريفي و افتخر
حبي لبلدي أدخر
هي أولا غيرها وخر
لبلدي هأكتب شعري
كلمات السيد عطاالله.
حكاوي.... ٥٠
سر السعادة
*********
بقلمي✍️السيد عطاالله
يا باحث عن السعادة
السعاده جوه قلبك
تلاقيها كمان و زيادة
في قلب من يحبك
في الرضا أعلى شهادة
لو الرضا من ربك
ربك صاحب السيادة
يشيل عنك غلبك
روح شوف أي عيادة
تأخذ عظه تنور دربك
ف الموت عبره و إفادة
عمل صالح يعلي مراتبك
إياك تستني إشادة
اشكر رب للخير وهبك
فعل الخير إجادة
أما فعل الشر مربك
بغزة ظلم و إبادة
غلب أخوك زي غلبك
يحيا شعب و أمجاده
خلي دربهم هو دربك
كلمات السيد عطاالله.
♕♕♕♕♕♕♕♕♕♕
المشاركات
