صفحه الشاعر. السيد عطا الله.

 صفحه الشاعر. السيد عطالله 

♕♕♕♕♕♕♕♕♕♕♕♕♕♕♕♕♕

بقلمي✍️ السيد عطاالله في بحر هواك أنا عايش غريق تاه مني الدليل و تخلى الرفيق يا ناس دلوني من وين الطريق أمانة عليكم مصمم ع الرجوع مين إللي باع خلاني بضياع أتألم أتكلم أملي بس الشراع ما نفع قارب في بحر صراع شايف سماك نجومك شموع حبيبي الغالي وجعني الفراق حياتي و ألمي و صدري ضاق هاركب سفينة و شوقي براق وصلني لقلبي بعيني الدموع غاوي في بحرك أعاني أمواج أشرب من نبعك لو ملح أجاج النظرة فى وشك أحسن علاج عاشق جمالك والعشق ممنوع كلمات السيد عطاالله.

بحر الهوى
********
بقلمي✍️ السيد عطاالله

في بحر هواك أنا عايش غريق
تاه مني الدليل و تخلى الرفيق
يا ناس دلوني من وين الطريق
أمانة عليكم مصمم ع الرجوع

مين إللي باع خلاني بضياع
أتألم أتكلم أملي بس الشراع
ما نفع قارب في بحر صراع
شايف سماك نجومك شموع

حبيبي الغالي وجعني الفراق
حياتي و ألمي و صدري ضاق
هاركب سفينة و شوقي براق
وصلني لقلبي بعيني الدموع

غاوي في بحرك أعاني أمواج
أشرب من نبعك لو ملح أجاج
النظرة فى وشك أحسن علاج
عاشق جمالك والعشق ممنوع

كلمات السيد عطاالله.

 

صفحه الشاعر.السيد عطاالله.نرحب بالزائرين والمشاهدين علي صفحتنا.مرحبا واهلا بكم
                             

معرف9 فبراير 2025 في 8:41 ص

كلام و أقلام
**********
كلمات✍️السيد عطاالله

إياك بالقلم يوم تستهين
أكتب و ربك هو المعين
حق يجري جوه الوتين
دمك مدادك ورق و حبر

مهما كان قلمك جاف
قول الحق و لا تخاف
لو هتاكل العيش حاف
م الرزق ما يفوت شبر

الرزق على ربي حنان
لا ينسى الرازق إنسان
دا رزقك مكتوب زمان
ما يلزم هندسة و جبر

أكتب و سمع كل الناس
القلم سلاح زي الرصاص
لكن خلي الحق لك لباس
كلمة حق تنفعك ف القبر

بلاش تكذب و لا تجامل
الكذب و الله دمار شامل
صاحب أصيل و له زامل
في الدنيا تسلح بالصبر

إياك للظلم تركن أو تسلم
عبر تاريخ لو تحب تتعلم
حكايات و نهايات بتتكلم
عن ظالم و صفاته الكبر

أكتب خلي قلبك حديد
سلامة الوطن يوم عيد
عاش وطني عهد جديد
رمل بلدي أغلى م التبر

كلمات السيد عطاالله.

                    إ

صفحه الشاعر.السيد عطاالله.نرحب بالزائرين والمشاهدين علي صفحتنا.مرحبا واهلا بكم.

♕♕♕♕♕♕♕♕♕♕♕♕♕♕♕♕♕♕

                              

                             حكاوي.... ١١

مصر العروبة
**
بقلمي✍️السيد عطاالله

يا حبر القلم أكتب
نبعك دم لا ينضب
أكتب على محتل
طماع عقله اختل
قام سلب أرضي
اغتصب عرضي
أكتب على غاشم
على الطمع راسم

يا حبر القلم أكتب
نبعك دم لا ينضب
املى الورق أشعار
قلمك سيفه بتار
هجر خلاص غمده
بالقوة ربنا هيمده
نادي صلاح الدين
تعبنا طول السنين

يا حبر القلم أكتب
نبعك دم لا ينضب
الظلم ليه انتشر
ظالم كذاب أشر
بلادنا ليه متأخرة
ليه دايما إحنا ورا
سلاحنا دعا وسب
ما نملك إلا شجب

يا حبر القلم أكتب
نبعك دم لا ينضب
خذ حبرك من دمي
لأنه مهما كان همي
حبي للوطن غالي
غايتي وكل أمالي
سواء غني أو فقير
أرضي مليانة خير

يا حبر القلم أكتب
نبعك دم لا ينضب
ارسم نسر وعلم
مهما يكون الألم
بلادنا بلاد الكرم
مصر نيل و هرم
أكتب وسمي الله
متصانة بإذن الله

كلمات السيد عطاالله.

حكاوي.... ١٢

هل القمر
***
بقلمي✍️السيد عطاالله

هل القمر و بان
فتحت له البيبان
زرعت إليه بستان
إنسان عشق قمر

قلبي تعلق بالنور
مهما يلف و يدور
انا بقمري مسرور
عاشق بليله سهر

يا قمر في السما
قلبي يحبك إنما
عاوز حب طالما
نورك بقلبي ظهر

يا قمر متوشح بالسحاب
خليك فاكر أن لك أحباب
قلوبهم بيت ما له أي باب
ف حبهم ياريت تعيد نظر

حن لو بنظرة أو إبتسامة
ما نخشى ف حبك ملامة
حصاد الفراق مر و ندامة
طريق و من مشيه خسر

يا سحابة الفراق عدي
بين الأحبة اوعي تهدي
عاشق غير القمر ما بدي
عطشان ومستني المطر

كلمات السيد عطاالله.

حكاوي.... ١٣

الفساد
*
بقلم✍️السيد عطاالله

الدنيا مش قاتمه ولا كلها شرور
وبرضه مش مزهزه ومليانه نور
الفساد.....
الفساد زمان كان باشا إقطاعي بحنتور
الفساد النهارده موجود بشاهد زور
وممكن تلاقيه بضابط بنسر وكم دبور
بس مش أساس لجيش بطل وجسور
عندنا جيش نفخر بيه ف كل العصور
الفساد موجود في
رجل أعمال حواليه حراسة داير مايدور
يسرق جيوب الخلايق في عز النور
موظف مرتشي يعطل المصالح بفتور
همه يقلب الناس ويرسم التقوي دور
ساعة الصلاة بالصف الأول مشهور
مسؤول محوط نفسه بألف سور
غاوي شو إعلامي يحب الظهور
جايز تلاقي وزير بالحكومة مغرور
بس برضه هتلاقي وزير جهده مشكور
يا عيني ع الغلبان إللي همه يدفع وصل النور
مسكين همه بجنيه عيش يكفي عشا وفطور
علشان نتقدم لازم الفساد ينتهي ويغور
الريس كويس وبإذن الله ع الفساد منصور
همه يعدل المايل ويصلح المكسور
يفضح كل فاسد ويكشف المستور
راجل يحب بلده وعليها غيور
كلامنا نقد بناء مش مجرد منشور

كلمات السيد عطاالله.

حكاوي.... ١٤

مواطن صالح
***
بقلمي✍️السيد عطاالله

يا يعيش الباشا يعيش البيه
ناس بترقص و الدنيا كباريه
يموت الصادق و حزنه ماليه
يعيش منافق لو قال كلمتين

يا يعيش غني و يموت فقير
عاش موظف معدوم الضمير
ف بلد نايمه على كنوز و خير
يعيش المنافق يعيش بوشين

شغل دماغك هتعرف تعيش
هتاكل شهد و تنسى العيش
يموت الفقير أو حتى يعيش
عادي لو حتى لو مات حزين

يطبل فيركب عربيه أخر موديل
قتل ضميره بلا ديه يحيا العويل
عاش المنافق بأفخم فنادق نزيل
يشرب كاسين يعيش له يومين

عاش كذاب و منافق مرتاب
نباح كلب مارق بقى له أنياب
كلامنا أصله حارق وله أسباب
نجوم البرامج ما عندهم دين

مالنا إحنا بس و مال الغلابة
خلاص بقينا في زمن الديابة
ماتت أخلاق و مبادئ الطيابة
ما تسألش وين راحوا الطيبين

كسروا الأقلام و سكت الكلام
تعيش الحرية بس في الأفلام
لو صادق النية نهارك يبقا ظلام
حب الوطن ملخصه ف كلمتين

حب الوطن مجرد م المصالح
يموت الفساد و يموت الطالح
يعيش العلماء و يحيا الفالح
حب الوطن ع الصدر نياشين

كلمات السيد عطاالله.

حكاوي.... ١٥

أحلام فقير
*****
بقلمي✍️السيد عطاالله

أنا مش تخين و طالب تنحيف
فقري معروف مش عايز تعريف
أنا فقير و فقري ع رقبتي سيف
طالب حتة جبنه بس في رغيف
دايماً يوماتي بالجوع أنام خفيف
أه لو يجففوا منابع الفقر تجفيف
مش طالب عربية موديلها ظريف
ولا عاوز سهرة في ملهى سخيف
حياتي فصل واحد شايفها خريف
أنا حلمي بسيط لا فنان ولا حريف
نفسي ف لبس يكون شيك نظيف
عاوز أرجع طفل بزمن كان لطيف
بحلم بحياة ما فيها غش أو زيف
بدي الحياة بلا ألم أو ألمها طفيف
بحلم بصاحب ما صاحبه تحريف
بحلم بالأخلاق ما أصابها تجريف
بحلم بعالم عادل و يكون شريف
بحلم بزوال محتل ونصر ضعيف
بحلم بالسلام لو زال دمار مخيف

كلمات السيد عطاالله.

                            

                     
 "صفحه الشاعر. السيد عطا الله."
قبل 23 دقيقة
حكاوي.... ١٥

أحلام فقير
*****
بقلمي✍️السيد عطاالله

أنا مش تخين و طالب تنحيف
فقري معروف مش عايز تعريف
أنا فقير و فقري ع رقبتي سيف
طالب حتة جبنه بس في رغيف
دايماً يوماتي بالجوع أنام خفيف
أه لو يجففوا منابع الفقر تجفيف
مش طالب عربية موديلها ظريف
ولا عاوز سهرة في ملهى سخيف
حياتي فصل واحد شايفها خريف
أنا حلمي بسيط لا فنان ولا حريف
نفسي ف لبس يكون شيك نظيف
عاوز أرجع طفل بزمن كان لطيف
بحلم بحياة ما فيها غش أو زيف
بدي الحياة بلا ألم أو ألمها طفيف
بحلم بصاحب ما صاحبه تحريف
بحلم بالأخلاق ما أصابها تجريف
بحلم بعالم عادل و يكون شريف
بحلم بزوال محتل ونصر ضعيف
بحلم بالسلام لو زال دمار مخيف

كلمات السيد عطاالله.

حكاوي.... ١٦

ممنوعات
***
بقلمي ✍️ السيد عطاالله

ممنوع من الزفر
ممنوع من الطعام
ممنوع من النظر
ممنوع من الكلام
لو على بالك خطر
لحمة ف يقظه و منام
جريمه لا تغتفر
بدون كسوف أو ملام
إياك مرة تبص
أو ترمي يوم سلام
فرخه زايده النص
بيضها أضغاث أحلام
لو تمشيها بعدس
أمورك تلاقيها تمام
ريشك دايما يتقص
من المدعوة المدام
فراخ يعملوها بانيه
اتيكيت يا بيه و علام
لكني لا باشا ولا بيه
ما عندي فيلا ولا زمام
أنا زي محكوم عليه
عايش ينفذ حكم إعدام
أنا فوضت أمري إليه
بكره نوره يمحي الظلام

كلمات السيد عطاالله.

حكاوي.... ١٧

أخلاق و مبادئ
****
بقلمي✍️السيد عطاالله

إللي إختشوا ماتوا صحيح
أنا حبيت أضيف توضيح
صوت المرأة لو عالي قبيح
وين راح الإحترام و الأدب

هنفضل نتكلم عن أخلاقنا زمان
ليه ما أكونش زي جدي م كان
زمنهم كان زمن رجال جدعان
وين راحت عاداتنا يا عرب

كانت الأخلاق زينة البنت
ليه لبس بناتنا بقى زفت
ليه شبابنا يشوف عرايا ع النت
باين خلاص دمنا راح وهرب

إعلام شوه ماضينا بسي السيد
وشيخ فاسق للظلم بقى يؤيد
هدموا أخلاق لازم من تاني نشيد
نهبوا الأموال خلوا الأخلاق عطب

لازم بالأخلاق تتمسكوا و تلزموا
بلاش للسوء من الخواجات تتعلموا
لو هنتقدم يبقى بالأخلاق أه افهموا
الإرهابي منبوذ قد أصابه الجرب

لو شوفتوا إرهابي ما تزعلوش
أصلهم أولاد حرام ما تربوش
لو تناقشهم ف الدين ما يتغلبوش
يطلع وطني و أنت مثير للشغب

قرب شوف الوطنية بعيون أطفال
معقودة عليهم بكره كتير م الأمال
في الثبات تلاقيهم برسوخ الجبال
عيونهم مليانه حب وقلوبهم ذهب

كلمات السيد عطاالله.

حكاوي.... ١٨

إصحى يا نايم
***
بقلمي✍️السيد عطاالله

شوف ظلم عايم
على الحق قايم
هتسمع شتايم
إصحى يا نايم

أصل الحق باين
ورد في جناين
الإرهابي خاين
إصحى يا نايم

عملوا ثورة ربيع
لجل وطن يضيع
شيب ولد رضيع
متصحى يا نايم

إشتغل بس بذمه
قوم و ورينا الهمه
دي البركة ف اللمه
إصحى بقى يا نايم

إياك يوم يخدعوك
لا تجبهم وإن دعوك
ف الخراب يورطوك
إصحى بقى يا نايم

بحقوق إنسان صدعونا
لمحتل همه إللي باعونا
و كأننا عقار بيتوارثونا
متصحى بقى يا نايم

كلمات السيد عطاالله.

حكاوي.... ١٩

حكايات مسافر
****
بقلمي✍️السيد عطاالله

عرفت و أنا مسافر
الجاحد لوطن كافر
لجل العيش بنعافر
الوطن أكبر نعمة

تلاحقني كتير ذكريات
ف عيني دموع قطرات
الدمعة تقص الحكايات
فراق الوطن أكبر نقمة

يا قطار الغربة هدي
على ألمي ليه تعدي
يا غربة ليه تمتدي
القرب بالسما نجمة

أنا بحبك يا بلادي
حبك هو كل زادي
في ترابك أجدادي
تاريخ ينور الظلمة

كلمات السيد عطاالله.

حكاوي.... ٢٠

ربيع العمر
****
بقلمي✍️السيد عطاالله

ربيع العمر يا زهر الشباب
فيك ذابت قلوب الأحباب
نعشق و العشق بلا أسباب
ربيع يحمل جميع الالوان

ربيع فيه يحلو السهر
فيه دوما نناجي القمر
نطيل للحبيب النظر
نعشق بحر فيه توهان

ربيع العمر ورد و أزهار
لكل واحد فينا مشوار
طريق مالنا فيه إختيار
صفحة لكل واحد عنوان

كل واحد و رزقه مكتوب
ما يعلمه إلا علام الغيوب
لو تغتنم شبابك مطلوب
في الأخرة تسعد بالجنان

كلمات السيد عطاالله.